سجين نفسى

موضوع: سجين نفسى الأحد مايو 13, 2007 12:35 pm

سجين نفسى

سجين سجانى كان نَفسى
وسجنى بنيت انا حيطانه
وعاليتها وزوقته
ومن خوفى
كدبت وقلت دا قصرى
والمح نور كتير شفته
بيملى الكون
مابين قضبان ف زنزانتى
لكن عندى
يبان فى الضلمه زى الخيط
وياما حلمت
اهد ف كدبه طول عمرى
واكسر قيد
وافتح للهوا حضنى
واعيش مره كما اتمنيت
واقول رافض
اكون الاّ انا نفسى
ومش هارضى اكون رسمه بايد غيرى
ولا هامشى خطى مرسومه من قبلى
وخفت ف مره ماقدرشى
ولما قدرت
لقيتنى خلاص
ماعاد ِنفسى